No descriptionGABRIEL SHEWIO alizaliwa tarehe 07/07/1988 nchini Tanzania mkoani Tanga katika wilaya ya Korogwe. Alipata elimu yake ya msingi katika shule ya msingi Mnyuzi kuanzia mwaka wa 1996 mpaka mwaka wa 2002 alipo hitimu. Baada ya hapo alijiunga na shule ya sekondari ya Tanga Technical na kuhitimu kidato cha nne mwaka 2006. Alijiunga na masomo ya elimu ya juu katika shule ya Moshi Sekondari akichukua masomo ya Sayansi kwa mchepuo wa PCM nahapo alifaulu vizuri na kutunukiwa daraja la kwanza. Baada ya hapo alijiunga na chuo kikuu cha Dar es Salaam na kuchukua masomo ya Sayansi ya Kompyuta na kuhitimu kwa kutunukiwa shahada ya sayansi katika kompyuta mwaka wa 2012. Kwa sasa Gabriel Shewio anajishughulisha na ukufunzi wa masomo ya kompyuta katika shule za sekondari, pia ni mtaalamu binafsi anayetoa huduma za matengenezo na ushauri katika Teknolojia ya Habari na Mawasiliano jijini Dar es Salaam nchini Tanzania. Gabriel ni mwandishi wa vitabu vya riwaya na mtunzi wa mashairi pia hujihusisha kuandika vitabu vya kitaaluma haswa kwa somo la Kompyuta.