Esther Karin Mngodo ni mwandishi na mhariri aishiye Dar es Salaam, Tanzania. Alizaliwa Moscow, Urusi mnamo mwaka 1986. Esther alikuwa mshindi wa kwanza wa shindano la ushairi la Ebrahim Hussein lilipoanza mnamo mwaka 2014 kwa mashairi yake Penda Wewe, Msamaha na Changudoa. Kazi zake za kibunifu zimechapwa kwenye juzuu ya The Goddess of Mtwara and Other Stories. Caine Prize for African Writing 2017, Imbiza Journal (2021), The Citizen na kadhalika. Yeye ni mama wa binti mmoja. Hiki ni kitabu chake cha kwanza cha mashairi.